下午3時多，我走到一間私營老人院，準備開始外展到診的工作。
一進入大廳，便看見不少中秋節的裝飾，有燈籠、月餅、還有大大個月亮貼紙在牆上。原來星期四已經是中秋節了！
「Dr S，唔好意思，今日我地同老友記預早慶祝中秋節，無攞部電腦出嚟呀。」老人院職員笑着對我說。
「唔緊要，今日加睇㗎嘛，我淨係睇新入住個位院友啫。」
我拿出一早預備的電腦，準備着去看一位婆婆。大廳裏坐滿老友記，兩位年輕人在跟他們玩猜迷遊戲和談談中秋習俗。。。
老友記們都很投入！一會兒應該還有月餅水果吃。大時大節，老友記也應該高興一下。
「你地知唔知嫦娥有無老公㗎呢？」突然被年輕主持人的問題吸引住，他抑揚頓挫的聲線， 真的好像是一個專業主持人一樣。究竟嫦娥真的有老公的嗎？
「咁攪笑嘅佢啲問題，佢真係好似主持喎， 義工嚟㗎？」 我問旁邊的老人院職員。
「 請返嚟㗎，三千幾蚊一個鐘㗎， 佢係社工嚟嘅，好似專業啲咁吖嘛。」 職員答道。
想不到請個主持搞個活動都要三千多一個小時， 老人院挺有心思，也挺肯花費的。
「 點解唔請個義工嘅？實有啲義工肯做呢啲嘢㗎？」 現在很多老中青的義工朋友，積極投入， 幫助社會裏有需要的人。
「 義工而家唔畀入吖嘛。」 職員解釋。
「 哦，咁又係。」 疫症當前，對老人院當然亦有一點影響 。
希望老友記都能玩得開心，享受一個快樂的下午。
預祝各位中秋節快樂！
Search